L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Txistu y Tamboliñ aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Txistu y Tamboliñ... y aquí se mata a quien haga falta (1992-azaroa) —Hurrengo artikulua




 

 

Fidel

 

F.E.

 

Karibe itsasoan irlatxo bat bada

Eremuz txiki baina adorez zabala

Ontzia galernaren uhinetan bezala

Enbata basa askoren bortxa beti gora.

 

Amerikako lurra, oi lur martiria

"Aurkitu" zintuztenetik malko iturria

Lehen europarrak ziren, orain da yankia

Ezpata arrotzez beti zanpatu ta hezia.

 

Suzko Lurretik hasi ta Mexikoraino

Zure gorputza zauriz urratua dago

Beharrik baita zerbait haiek osatzeko

Iraultza deitzen da ta Kuban badu haro.

 

Duela zenbait urte Batista zen nausi

Harek nahi zuena legea zen beti

Irlatarrak larrutu, kanpotarrak hazi

Fidelek esan arte: "Izan dugu aski".

 

Iraultzaren haizea, zer haize ederra

Bafadatan garbitzen munduko ugerra

Aberatsen luxua, txiroen landerra

Haietatik sortzeko gizarte librea.

 

Yankien arranoak erpeak urruti

Agindu-gosez nonahi landatzen badaki

Kuban iraultzak hartu orduko indarrik

Piztia lotzen zaio karrankaz zerutik.

 

Gaixto haundiak nahi txiki ona hezi

Lege hortaz Fidelek ere zerbait daki

Boikotak ezin biziz jarri duen herri

Anaia ez dezagun hondatzera utzi.

 

Munduan bada lan bat orotan noblena:

Irautera lagundu zanpatua dena

Itsasoz heldu baita Kubaren auhena

Alkartasunez goza zagun paren pena.

 

Agur eta ohore, zuri lagun Fidel

Hasi duzun iraultza ez dadila ustel

Yankiaren morrointzak begia du goibel

Esklabu bizi baino, libro zerura hel!

 



Literatur Aldizkarien Gordailua Susa argitaletxearen egitasmoa da.