L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Vladimir aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Vladimir. 13. alea (1999ko abendua) —Hurrengo artikulua




 

 

Oroitarriak

 

Zoazen tokira zoazela

ekarridazu harri bat

 

Ekarridazu harri bat

Hilobi musulman eder bana egin diezaiogun

edonora zoazela

gure bihotzen lubaki gorri bakoitzari

ez dezaten nekarazten baino atsedenik hartu

igitai eiteko ilbehera berdea

mailua baino arinagoa izarra

ihes guztietan lagun izanen dugun

lurra arin dakigun

uraren azalean edonora zoazela

 

Kolore biziz margotzeko nahi nituzke neuk re

hangoak eta hemengoak

lauak eta akastuak

margolari vudu baten mozkorraldia

Biluziegi zaizkidan harrien azala janzteko

museo bitxi bat koronel guztien iraingarri

baina motelduak ditut behar nituzkeen denak

eta euriak bezain higaturik zikintzen naute

zoazen tokira zoazela

ekarridazu harri eder bat

hodei oparo bat jar dezadan

gure bakardadezko Boavista gorriaren gainean

Harri soil bat

Oroimen kolpe garratza

Ontzi harro bat egin diezaiodan gure egonminari

zoazen tokira zoazela

 



Literatur Aldizkarien Gordailua Susa argitaletxearen egitasmoa da.