L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Zantzoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Zantzoa-1 (1996-udazkena) —Hurrengo artikulua




 

 

Preciosa,  airea eta zu
(Federico García Lorcaren
omenez, 60 urteko atzerapenaz)

 

             I

Gaua horzkadaka zetorren

gizon handi bat badoa

sabelean kitarra hotsa

eta oliba olioa

loradun balkoietatik

hilda erortzen usoak

negar egiten du negar

Granadako herri osoak.

 

             II

Azuleiuzko begiak

azuzena ilun bi dira

eta traidoreen fusilak

zure bihotzera begira

hiru arrain triste bezala

ispilu baten jarrita.

 

             III

Berunezko hiru almendrak

bultzatu zaituzte hotzera

oihartzunezko mila atek

Andaluziako ortzean

ikusi zintuzten hegan

polenarekin batera.

 

             IV

Ura zoroa da beti

limoiak dakartza errekak

zein mezulari garratzak

ez al da hala, Poeta?

zein mezulari garratzak

zure odolez beteta!

 

             V

Itsasoa eta hondartza

dantzan ari dira lizun

ukitzen dituzu lumaz

kobrezko bi bular bigun

zezenen lepo gainera

eguzkia erori da astun

zorionerantz ihesi

Preciosa, airea eta zu.

 



Literatur Aldizkarien Gordailua Susa argitaletxearen egitasmoa da.