L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Zantzoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Zantzoa-3 (1997-udazkena) —Hurrengo artikulua




 

 

Intifada

 

Zantzoa

 

        Orain dela 10 urte hasi zen Jerusalem, Gaza eta Zizjordanian harrien altxamendua. Goliathen erantzuna ikaragarria izan zen. Lehen bi urteetan bakarrik 795 zibil hildako, 45.000 zauritu, 48.000 atxilotu eta 61.000 deportatu...

 

Nahinoz eta nahinon

harri eta herri

harrizko euri hau.

Zergaitik, Ahmed?

Zergaitik botatzen duzu harri hori?

Soldadua ez al dago urrunegi?

 

Badakizu ez zarela iritsiko

zure ume besoekin

eta hala ere, Ahmed

hala ere, harri hori bota duzu

harrizko bihotz zati hori.

 

Soldadua ez al dago urrunegi, Ahmed?

Zergaitik orduan,

zergaitik botatzen duzu, hala ere,

harri hori?

Soldadua jotzeko da

ala beste zerbaitegaitik?

 

Behar bada ez da soldadua jotzeko,

soldadua urrunegi dago,

behar bada beste zerbaitegaitik da

soldadua jotzeak baino garrantzi gehiago

daukan zerbaitegaitik.

 



Literatur Aldizkarien Gordailua Susa argitaletxearen egitasmoa da.