L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Zantzoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Zantzoa-3 (1997-udazkena) —Hurrengo artikulua




 

 

Bestaldeko kalea

 

Okendo

 

Neguaren auzo hotzetik

maitasun iluna,

telebista pantailak

fikziozko bihotz gorriz.

Neguaren auzo hotzetik,

hots,

kalearen bestaldean,

maitasun ilunak argiturik

odol malkoak,

norbaiten mentura okerraren definizioa.

        Neguaren auzo hotza

        tokatu zaien honetan

        postariak noraezean dabiltza

        maitasunaren helbidea bilatzen.

 

Bestaldearen bestalde

maitale sutsuek

elkarri musuak izkiriatzen.

Bestaldearen bestalde maitasunak

zainetatik darrai

eta

bukatzen denerako

erostea zilegi,

eguneroko dosia

ozta-ozta bi ogerleko.

 

        Kolore gorriz idatziriko

        izen bat dauka eskutitz bakoitzak,

        denak bestaldeko paradisurantz.

 



Literatur Aldizkarien Gordailua Susa argitaletxearen egitasmoa da.