L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Zintzhilik aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Zintzhilik. 6 (1991-udaberria) —Hurrengo artikulua




 

 

—Carpe diem—

 

Helduren dun heriotza eta heure begiak ukanen dizkin

 

Cesare Pavese

 

Euskaratzailea: J. Sarrionandia

 

Helduren dun heriotza eta heure begiak ukanen dizkin,

Egunsentitik gauera arte,

Lo egin gabe, gor, damu zahar edo

Bizio absurdu baten gisan laguntzen gaituen

Heriotz honek. Hire begiak

Hitz hutsal bat izanen ditun,

Oihu isil bat, isiltasun bat.

Horrela ikusten ditun goizero,

Heu bakarrik ispilu aurrean

Makurtzen haizenean. Oi, esperantza maitea,

Egun haretan jakinen dinagu guk ere

Bizitza haizela eta ezereza haizela.

Guztiontzat din heriotzak begirada bat, bakoitzarentzat bat.

Helduren dun heriotza eta heure begiak ukanen dizkin.

Bizio bat uztea bezalako izanen dun,

Ispiluan aurpegi hil bat

agertzen ikustea bezalako,

Ezpain hertsi bati entzutea bezalakoa.

Amildegira jetsiren gaitun mututurik.

 

Helduren dun...: Joseba Sarrionandia, Izkiriaturik aurkitu ditudan ene poemak; Pamiela, Iruñea, 1985. J.S.ak euskaratua.

 



Literatur Aldizkarien Gordailua Susa argitaletxearen egitasmoa da.