L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Zintzhilik aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Zintzhilik (1994-udaberria) —Hurrengo artikulua




 

 

—Berpiztu dezagun Aresti—

 

Jose Luis Otamendi

 

Ehun arrazoitik gora ditut ubikuitaterako

eta beti erakutsi behar izaten dut bertan ez egona,

etengabe frogatu beharra daukat erosketak egiten ari nintzela

frankotiradoreek amari eman dioteneanosaba eritetxetik ateratzera joana naizela,

ogia banatu duten garaitsuan lo nengoela,

faszista bilakatu da elurra

eta faszista bilakatu da adiskidetasuna,

faszista da uranioaeta herriko kurloiak faszistak dira,souvenirrak bidaltzen ditugu setiatzaileen mendietara,

mutilazio ikusgarriak erakusten dituzte hirietan bildutakoek,

zirkoko famili argazki batean bezala

irri egiten dugu nortasun agiri bilatuen ondoan,

lehertu beharreko kaserna omen da zuen bihotza,

baina edalontzien ipurdian idatzita dago hurrengo zita,

simulaziozko larritasuna eta mapan,sabel hiztunak gara ekialdeko kanposantuetan,

hil zaitzaketen eta ahantz zaitzategunerako koartada ona behar dut

ohar ofiziala izanen da egunaren argitzean bihar.



Literatur Aldizkarien Gordailua Susa argitaletxearen egitasmoa da.