Epailla-Yorrailla. 3 eta 4'garren Zenbakia)'>


L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Euzko-Gogoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Euzko Gogoa (I'go urtea. 1950 gko
Epailla-Yorrailla. 3 eta 4'garren Zenbakia) —Hurrengo artikulua




 

 

—Olerti—

 

Akelarre

 

Mirande'tar Jon

 

Kanpoan gaberdi,

Ostoen firfira

—espa ba'dirudi...

 

Izarrak nun dira?

 

Kanpoan iluna:

iñun ez argirik

ikara t'ituna

zuziena baizik.

 

Aker il bat datza

bere odolean.

 

Lamiñak dabiltza

leize ospelean.

 

Yeisten zaieneko

urrezko alki bat

su-aurrean dago

Gotzon Beltzarentzat.

 

Leizaren erdian,

lizun, larrugorri,

ileak aidian,

neska bat dantzari...

 

Oi zu neskuts lerden

oin-beso arinak,

zugan du atseden

Satan nausi onak!

 

Yo zazute txistu,

kanta, danboliñak

Biotzez otoiztu

azti-erregiñak:

 

«Argi-Ekarlea

goresten zaitugu;

geure zaintzalea

otoi, zatozkigu!»

 

          * * *

 

Emeki, poliki

dira sugarrak il

gau beltzak bai daki

goiza dala urbil.

 

Lamiñak urruti,

dantza bukatuta.

 

Oilarren abesti

ezagun... Goiza da.

 



Literatur Aldizkarien Gordailua Susa argitaletxearen egitasmoa da.