Azilla-Gabonilla. 11-12 garren Zenbakiak)'>


L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Euzko-Gogoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Euzko Gogoa (I'go urtea. 1950 gko
Azilla-Gabonilla. 11-12 garren Zenbakiak) —Hurrengo artikulua




 

 

—Olerti—

 

Nere izarrari

 

Mitxelena.

 

(Donostiko azken olerki-guduan lenbiziko saria eramana.)

 

                                «Bertso bida bear ditut kantatu

                                izarrei: zer zaidan gertatu...

                                korputzak ar dezan deskantsu».

 

Arratsik arrats zeru urrutian nirñari,

maite-kupiraz zagerkidan izar argi:

 

beste askotan legez natortzu gaur ere

ixilmixil bat izan nairik zurekintxe.

 

Aski izaten dut leiotik tinka zuri so,

biotz-axanpak jaulkiz izketan jartzeko.

 

Orduonean zindudan, bai, aukeran jo,

nire ixkutuak axaltzeko aboz-abo.

 

Zuk ez bai'duzu, lurtarrok lez iñor saltzen,

aditu-ala ixillik duzu gordetzen.

 

Deitzen dizudan bakoitzean: «Nere Izarra!»,

darantzuidazu: «mintza adi, seme lurtarra»

 

Ta amen zatozkit hainbeste luzeko bidez

lagun gaixo oni «Gabon» ematera maitez...

 

Maitasunezko zure errukiaren argiz

Goza didazu zuk bekokia hamaika aldiz,

 

Biotz-kezkaen sarigarritzat, il-ondoz,

zaudeneko ortan Zeru bat dala adirazoz.

 

On ta otxana zera, zerutar argia,

on ta otxana ta ixilla ta maitatia....

 

                     * * *

 

...Gaur, baña, Izarño kutun orrek ba-zeneki

zein beste dudan atzotik gaurko ikuspegi!

 

Gogamenaren ortzeak odeirik ez dit;

Bat-batez, samin danak poz biurtu zaizkit.

 

Pakea sor zait, oskarbi orren pakea,

Jaungoikoaren zolitasunez betea.

 

Nere-baitako laiotzean azterkari,

Goi-argitara ona zer dudan nabari:

 

Samari'ko osin ura, Sikar'ko iturria

Eguzkitan, ta Yesu bertan exeria

 

Antuxiñetik bere Ur bizia eskeñiz»

«Edan —esaten—, ez aiz egarriko berriz»...

 

Eskale antzo urbil natzaio albetan;

Edan dut, edan, Jainko onaren eskutikan...

 

Ta bertan..., mundu guzia arkitu dut berri!

Oro garden, bai, oro iztun, maitagarri...!

 

Es nuen uste, ez onen edergarria

zitekeanik sor zaidan egunsentia!

 

Beste begiz dakusat orain izadia!

Bestelako biotzez maite dut bizia!

 

Atzo miñaren negarrik ezin zeridan.

Ta gaur pozaren malkoa dut begietan.

 

Zure susmurra berbera gaur Zoliago

aditzen dizut, ta ulertzen obekiago.

 

Millaka izarño zaudete betiraunean

giza-begiak zuenganatu naiean...

 

Biotzak diraust, Zeru eder orren pean

nola gizona onen gaizto ditekean...

 

Millaka izarño yainko-geznari or ernai...

Baña satorrak lur-zuloa baizik ez nai.

 

Ez ote, griñaz lañotuta dagolako?

Ez ote entzungor zuen mintzaira aditzeko?

 

Ezin ulertu, Zeru eder orren pean

Nola gizona onen gaizto ditekean!!

 

                     * * *

 

Zuk behintzat jarrai ziri izketan, Izar maite.

Gaurkoz alare..., agur, baña bihar arte...

 

Emen itxoingo dizut, gau ontan bezala.

Ta gaur baño re obea arki nazazula!

 

... zure irudira nakusazula... argia,

on ta otxana, ta ixilla, ta maitatia...

 

1950

 



Literatur Aldizkarien Gordailua Susa argitaletxearen egitasmoa da.