Uztailla-Dagonilla. 7-8' garren zenbakiak)'>


L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Euzko-Gogoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Euzko Gogoa (II'garren urtea. 1951 gko.
Uztailla-Dagonilla. 7-8' garren zenbakiak) —Hurrengo artikulua




 

 

—Olerti / Maite kantak—

 

Errota arria

 

Etxaniz'tar Nemesi

 

        —1—

Errotazuriko alaba

eiotzen ari da artoa,

errota-arriaren negarra

aidean zear doa.

Arritzar orrek etzak mindu

nexka gaxoaren kolkoa:

artairiñez nasten ari da

gaztearen malkoa.

 

        —2—

Erreka-zuloan errotak

eten gabe du tranga-otsa,

arekin batera taupaka

dabil nexka-biotza.

Illunabarrez aditzen da

urretxindorraren abotsa,

zotinka laster dualako

egunak eriotza.

 

        —3—

¡Bai luze joaten zaiola

umezurtzari gau illuna!

Illargiak ez du poztu nai

errotaren jarduna.

Loak artu eziñik dago

noiz argituko-ote eguna:

malkoz bustia lagatzen du

gabaz burko biguna.

 

Oarra. Errota-arria, aur-jolasen artean azalduko da liburuan.

 



Literatur Aldizkarien Gordailua Susa argitaletxearen egitasmoa da.