—Olerti—

Jei-gai

Mirande'tar Jon

Enaizu maite. Ez erran: ba-dakit.

Ez erran hitz bat e-begik etxit

Ez zerra, bena zaude hor khantin

Gaiai beha, beitzeiku gaia jin.

Zitian lo nihauk manhatu dit,

    Othoitu dit, lamiña beita gai

Zaharra. Lagun dut et'entzun nai

Bai oren hunen egon niz haidu!

Itzalez et'izarrez bethe'tu

Zeliak... eta zu, lo zir'orai.

    Enaizu maite. Haatik gaur khantin

Ba-zutut, buiya ene suñ-hegin,

Eskia think enin besutan lo,

Egun junez ohitzen ez habo,

Ahazten eman dula ohit-min.

    Ez ohit junaz. Heben zira gaur.

Altzuan zutut nula ene haur

Ttipia-haur-begiak-zerra, bai;

Eniak zuri so, zur'arimai,

Bi arimen muga dakigun iaur!

    Enaizu maite... egunaz. Bena hor

Argizagia ikhus arra sor:

Zilhar-argitan jarri du Sargia.

Maitia, zu enekin, alegia

Lo, haren jei-deiai ez egon gor...

  ...Utzazu jei-gai huntan zure bi

Ezpaiñ gozuez goza nadin ni,

Utzazu txesta dezan en'ahuk

Nulako gozo'tutzun zuk bilhuk,

Udui argizagizko ezti fi.

    Enaizu maite-hala diozu. Zer

Zeit eni, haatik, ene ziren ber

Gai huntan-erdi sutan, erdi hotz-?

Gai hunak khorpitzer du botz

Emanen, eta bake bihotzer:

    Ez lotsa izan, ene hau, othoi,

Bekhatu del'egiten dugun hoi.

Nurk daki bekhatia zer dene?

Ez zuk, ez nik!.... Zerbait dakit hale

Zirela eder ba-dakit doi-doi.

    Orai naizunez maite zuk, eztait

Orano ere-bena berdin zait....

Zertako 'tugu hitz higatu hoik?

Gaiherdiz nik, lamiña-gaiak joik,

Maithatu zutut: hori aski zait.

Paris'en, 11-VII-51