—Olerti—

Artxanda

Utarsus

Ama, eztot gaur ikusten

geure ikurriña

goiz gustitan bezela mendi ganian.

¿Zer jaso ete da?

— Ene seme egazkiñak

atzo ixan dira ainbeste

bai, ain sarritan!

— Bost bidarrez amatxu

galduta giñan

Artxanda'n. Eurek jabe

ta gu menpian.

Eguzkijaz batera,

jagiten nintzan

mendi ori ikusteko.

Egun barrijak

ekarran beti poza.

Geure ikurriña

Artxanda-ganez bati

egaz... jaubia!

— Ezin betiko eutsin...

Galdu, geuriak...

geyenak, zaurituta

bestiak ilda...

Atzerritarrak doguz

orain jaubiak.

Geldirik eta ixillik

egon etxian.

Ezin, ezin, amatxu,

ezta ori egija!

¿Bixirik euzkotarrak

orren menpian?.

Entzuten dot, bai, entzun

abesten gudariak

geruago ta urrago

goraltzen aberrija.

— Etsayak arrapauta

geure gastiak

¡gaxuak! daruela

tarrantaz ildegira.

Lazter orman onduan

ene semia,

zuzkillukaz erailda

jausiko dira...

¡Abestu, aintzaldu Euzkadi

anai zintzuak!

Ama itxi naixu, urteten.

Eurekaz nua.