L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Euzko-Gogoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Euzko Gogoa (III. urtea. 1952 gko
Uztaila-Dagonila. 7-8 garren zenbakiak) —Hurrengo artikulua




 

 

—Olerti—

 

Iturriko laztana

 

Aurraitz

 

Uraren bila neskatxa

Gastainadi'ko iturrira.

Uraren bila neskatxa,

ingumak ezkutau dira.

 

Amets gozotan biotza,

bakarr-bakartsu zadorra.

Lirain daroa gorputza

oldozkun baten yarraika.

 

Eze-ezerik arratsa,

ñir-ñir lenengo izarra,

aizea geldi orritzan,

igelak kar-kar zingeran.

 

Aske-askerik adatsa,

buruan usuil zuria;

yauzkari zador-ginartzan,

maitea dauko begira.

 

Iturri zarr-zarra idetzan

basoen mintzobakarra.

Arratsaren kolko isiltzan

biotz gordin bi liluraz.

 

Ur gardena etentzeka,

usirila gane-ganeska.

Izketa bageko izkuntza

kutunak alkar-begira.

 

Ago bietan abotsa,

isilak urrukadea.

Ura burura yasotza,

aginetara barrea.

 

Españetan laztan-otsa

eun zati bean ontzia.

Tamaltasunez neskatxak

malko bi begi-ertzera.

 



Literatur Aldizkarien Gordailua Susa argitaletxearen egitasmoa da.