L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Euzko-Gogoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Euzko Gogoa (V. urtea. 1954 gko
Ilbeltza-Otsailla. 1-2 garren zenbakiak) —Hurrengo artikulua




 

 

—Olerti—

 

Lekhoreko biziarena

(Ballade des aüsseren Lebens)

 

Hugo von Hofmannsthal

 

euskaratzailea:

Mirande'tar Jon

 

Mirande'tar Jonek itzulirik...

 

    Eta haurrak hazten dira begi sakondunak,

ez jakin deus ere, hazten dira eta hiltzen,

eta denak doaz beren bidetik gizonak.

 

    Mingar ziren igaliak gozo bilhakatzen

et'erorten dira gauaz txori hil antzora,

eta egun zenbait egon ondoan usteltzen.

 

    Eta bethi buhatzen du haizeak, harzara

elhe asko dantzuzkigu, darrazkigu; oharr

dugu bethi gorphutzaren atse, akhidura.

 

    Eta bide ba da joaile belharretik zeihar,

eta herri han-hemenka, zuzi, zuhaitz, marel

galgarriez betherikan, bai eta hil-eihar...

 

    Zertarako eraikirik dira et-ezin hel

khondatzera zenbat? nehoiz ez elkharr iduri

Aldizkatzen zer du nigarr, irri, gogo ephel

 

    Hori dena'ta joku hoik zer zaizkigu guri,

handiturik eta bethi bakharrik garenak

behin ere norapaitu gabe ibilkari?

 

    Zer zaiku, bai, horrelako anhitz ikhusirik?

Alta haatik anhitz dio «Arratsa» dionak,

hitz bat, min gor baita, goibel ixurten hartarik

ezti gothor lez orraze zulhatuetarik.

 

Paris 6-XII-53

 



Literatur Aldizkarien Gordailua Susa argitaletxearen egitasmoa da.