Ilbeltza-Otsailla. 1-2'garren zenbakia)'>


L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Euzko-Gogoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Euzko Gogoa (VI. urtea. 1955'go
Ilbeltza-Otsailla. 1-2'garren zenbakia) —Hurrengo artikulua




 

 

—Olerti—

 

Baratzeko Amari

 

Amillaitz

 

Zergatik zaude, Ama,

baratze-atean,

ain maitagarri jantzi

zuri-urdiñean:

esku biak batuak

Jaunari eskean,

ta bi odol-larrosa

zure oin-gañean?

 

    Zergatik zaude, Ama,

baratze-atean,

lau zipres dituzula

zure bizkarrean:

lau kandelargi musker

babesten zaituztela

zure omenean,

aldare-antzean?

 

    Nere zai zeunden, Ama,

baratze-atean,

Agurtza erakutsiz

otoiz ixillean.

Nere zai zeunden, ta nik,

nere itxumenean,

ez nekin zer zeru nun

zure megalean.

 

    Orain ba-dakit, Ama,

baratze-atean

zergatik zauden zutik

beti otoitzean;

ta gaur, naigabez, Zuri

agur egitean,

ba-dakit nora etorri

gaxo nadiñean.

 

Lazkao'n 1954

 



Literatur Aldizkarien Gordailua Susa argitaletxearen egitasmoa da.