—Itz Neurtuz—

«Orixe» eta Zaitegi jauneri ongi etorria

Zeleta

Lenago «Orixe» ta

Oingoan Zaitegi,

Guatemala'tik, biok,

zaizkigu etorri

oiñarriak jarririk

emendik urruti...

ainbeste maite duten

gure izkuntzari.

Beti Euskera'n alde,

naiz emen, naiz an...

biok egiñak dira

makiñatxo bat lan

aldizkari ta idazti,

eundaka idazlan,

disdiratsu idatziz

ta argitaldurikan

Bata, prakaduna, ta

bestea, abadea,

jakinduriz jantzirik

degun bikotea.

Arritzekoa, ez da,

guk, nai izatea

biotzez agurtu

ta... besarkatutzea!

Euskotar jator eta

idazle argiak, goralgarriak dira

adiskide biak.

Gure omen kaskar au,

Ongi Mereziak.

Biotzez dirautsuet

¡¡Ongi Etorriak!!

Donostia'n. 1956'gko. Jorrailla'ren 2'an.