L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Euzko-Gogoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Euzko-Gogoa
(1956 gko. iraila-urrila) —Hurrengo artikulua




 

 

—Itz-Neurtuz—

 

Jose Deuna

 

Anai Olabeaga'tar I. Salletarra

 

Aingeru talde, zerutik zatozte.

              Kantu eder,

              zuei esker,

Jose'ri kristauak abes diote;

              txoko, bazter

              leku ager,

ludi dana, Jose'ren aintzaz bete.

 

Belen'go estalpe zar-ilunian,

              goiko Argi

              bizi-bizi,

zaindu zuan, lastozko askatxoan.

              Andik gutxi,

              larri, igesi

erbeste-alde Aurra gorde naian.

 

Jaun-guzialdun alboan zekusen,

              lañoz gabe,

              aurrez-aurre,

ta sarritan besoetan laztantzen.

              Aite, aite!

              deika eme,

Izen eztitsuz, biotza xamurtzen.

 

Lorezai trebe ba Jose Zintzoa!

              Lili zuri

              txit-ederki

apaintzen du Nazaret'ko erria.

              Andra Mari,

              garbi-garbi, da

bertako Erregiñ aundia.

 

Sendi deun begirale izanez,

              lurreko ogi,

              Jainkoari

irabaz dio, neke gogor-latzez.

              Zeruko ogi,

              zuri-zuri

damakie gizonei Jesus bidez.

 

Arotz-lanian euki du langille,

              bere mende,

              Jainko-Seme.

Kristaua! begira, arritu zaite!

              dan-Egille,

              Zeru-Jabe,

jakite iturri dana, Ikasle.

 

Bete du lurreko egin-bearra

              Jesus azi,

              zaindu Mari;

joan daiteke zeruko sari bila.

              Txit gozoki,

              eme-emeki,

eman du paketsu azken arnasa.

 

Jose'ren jai-egunian, kristaua,

              biotz garbiz,

              gogo biziz,

goraldu Jesus Aurren aitordea.

              Lore zuriz,

              apain berriz,

edertu Jose deun aintzagarria.

 

Bera degu Elizaren zaindari;

              asieratik,

              goi-zerutik,

artu gaitu babespian xamurki.

              Ekaitzetik,

              lorraldetik,

zainduko du Eliza bereziki.

 



Literatur Aldizkarien Gordailua Susa argitaletxearen egitasmoa da.