—Itz-Neurtuz—

Begi-beltzdun elur-lili

Otsalar

Bizi naizen txoko ontan

eguzkia oso urri.

Illunak aultasuna berakin dakarzkik,

eta, ene ametsa diat argi.

        O!, egan uan odei bel-txuri,

Aunamendi'an barna,

naramak irekin.

Pirineo'an bai duk argia nai-aña.

        Amiltegien gañetik,

elur-zuriz orniturik,

ba-duk aski gallurrik

elur-liliz (1) apaindurik.

        Lañozko zaldi azkarrok

zuen gañean zamalkatuz,

egaztada arin baten,

Eolo'k puzka lagunduz.

.....................................................

        Odeiak naspil ortzian,

gallurrak erpin mendian,

kaden itunak baztertuz

zorioneko aurkitu nintzoan.

        Zertan ago elur-lili

emakumez jantzirik

goen gallurretako

lilia izanik?

        Ur-jausien zillar-aparren,

bisuts-lekurik soillenean

aintzira ixilkoien gañean,

aur-erregiña aiz pakean.

        Baña, zertan abil gallur ortan

begi-beltzdun elur-lili?

Esaidan. Nire billa ote abil

Edelweiss zoragarri?

        Ba-niñan uste ori,

nunbait zain ote intzanan

nire biotzarekin jabetzeko;

eta i, elur tartean.

        Jainkoaren ondoan,

izarren gandik urbil,

orban gabe bizi nairik

gizonen gandik urrin.

        Inguruan ire lagun

elurra t'aize otza;

etsairik gogorrena

erruki bageko ekaitza.

        O!, begi-beltz elur-lili

ene biotzmiña diñat i-gan,

maite aunat, eta

laguntza nai al-dun ire nekeetan?

        Pirineo'ko gallur artan

biotza idanan iltzatu...

Elur-lilizko andereñoa,

nik aña; nork maitatu?

        Ene biotz txokoan

nai diñat nik euki.

Ik jarri naun lilluraturik

begi-beltzdun elur-lili.

(1) Elur-lilli: Edelweiss, Flor de las nieves, (Leontopodium).