—Itz Neurtuz—

¡...... ¿

Aurraitz

Txillardegi'ri tamaltasunez

Zoroa naiz. Bai. Zoroa.

Baina neuk baino bestek ez

Baitaki nire giroa.

Gizarten zentzunduntzat naukate,

Baina bakarrean eskuragaitz

Zaizkit neure oldozkun ta naaste.

Gauza orok daragizte gogait

Lortu ezinaren poz ertzean

Gogoan daukadan utsa astun zait...

Eguraldiren aldakuntzakaz

Aldakorra zait gogo-giroa

izadi ikutuk nauka lilluraz.

Bizi bearraren ots goibela

Gogaien bidean eragozpen...

Pozkor zait ulergaitzen ixila.

Zentzuduntzat daudenek ikus oi

Ez dituztenez ikusten ditut

Gauzak: gogoa baitut olerkoi...

Atsekabeen aldapan erreza

Litzakit buruari uztea

Latza baitzait zorionik eza.

Baina buruari utzi-ta iritz

Ote nezake neure barru utsa

Bete legikedan zorun-bizitz?

Gaikoia izan baino naiago dut

Ametsen zidorretaz maratu

Iainko laztanek aurkitzen ditut...

Zoroa naiz. Bai. Zoroa.

Ez baitu, baina, inok inoiz

Iakingo nire giroa.