L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Euzko-Gogoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Euzko-Gogoa
(1959. Ilbeltza-Otsaila) —Hurrengo artikulua




 

 

—Itz Neurtuz—

 

«Dasein»

 

Michel Biar

 

Oraino zer?

Ukitu gera ezerestasunaren ezerestasunez.

 

Oraina.

Emen akuskat gizon,

bizieran;

izate utsarekin geroari begira, baikor.

mundu zabalean aut arkitu

bilutsik,

utsik.

Ala ta guztiz ere,

geroari aurpegia emana,

izatasunari atzeman nairik,

pozik sentitu aut bakardade ortan

naiz eta bilutsik, utsik.

 

Gerorako egin dituk ametsak

biar goizerako asmoak.

Eta orainak ez baizikan ematen sentidurik

iges egin duk izatearekin bakarrik.

 

Sentitu duk ire baitan

ezerestasunaren beso otza.

Baña ez duk amor eman

ire bizitz-naiari.

Oraina ez duk arki

ire gogoaren neurrikoa.

Orregatik asmoak egin dituk,

asmoak dituk ipiñi

ire indarraren neurri.

 

Gizon

or akuskat lekaro beroan zutik,

ondartza ikaragarrian kixkaldurik

bein eta berriz billutsik eta utsik.

Eta ire inguruan gauzak,

mintzul eta itsu,

mundu zabalean kokaturik,

berenganatzen didate indartsuki,

eta eragozpen ipintzen

izatasun naiari.

Bai dela ederra

gauz izatea,

itsu eta mintzul

mundu zabalen erdian geratzea

 

Bañan... gerorako egin dituk ametsak

Biar goizerako asmoak!

 



Literatur Aldizkarien Gordailua Susa argitaletxearen egitasmoa da.