L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Euzko-Gogoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Euzko-Gogoa
(1959. Ilbeltza-Otsaila) —Hurrengo artikulua




 

 

—Itz Neurtuz—

 

Euskal-Erriko mendietan

 

Miren-A.

 

Euskal-erriko mendi ederrak

laister orlegituko dira;

Baserri ondoko zugaiztxueri asi zaie sagar-lora.

       Uda-berria datorkigu

       alai alai jantzia.

 

Ikuskai zoragarria,

gure Euskalerria! Baña...

bildur naiz oraindik

orren piñu asko ikusirik

gertatuko ote zaigun

ikuskaige gelditu,

eguzkia estali...

 

Pagoak, lizarrak,

nun zaudete?

Zuen anai, euskaldunak

il egin zaituzte.

Ai piñu, piñu!

nondik aiz i sortu?

       Ik emandako diruakin

       zer egiten ari dituk?...

       Berriz piñua sartu.

 

Onela jarraitzera

ziur nago ni

ez degula izango euskaldunok,

nora begidatu.

 

Eibar'en 1959'go Otsailla

 



Literatur Aldizkarien Gordailua Susa argitaletxearen egitasmoa da.