Limosnatxo bat

Juan Pedro Otaño

                     1

Mutil koxkor bat itsu aurreko

Zubela aldamenian

Gizon burusol bizar zuri bat

Bi makilaren gaiñan,

Kale eskiñan ikusi nuben

Iñora ezin joanian

Ta bera nor zan jakin nayian

Inguratu nintzanian...

Limosnatxo bat eskatu zidan

Jainkuaren izenian.

                      2

Zerbait emanaz galdetu niyon

Al zan modu onenian,

Jayotzatikan al zeukan ala

Gaitzak artuba mendian ;

Erantzun zidan : ez semia, ez,

Nik sasoya nubenian,

Ez nuben uste iritxitzerik

Onetara azkenian...

Gaur limosna bat eskatutzen det

Jainkuaren izenian.

                      3

Eta segitu zuben esanaz :

Lengo gerrate denian,

Ni aurren xamar ibiltzen nintz

Beti edo geyenian.

Nekatu gabe aisa igoaz,

Aldapik luzenian,

Etzan burura asko etortzen

Gu ala gebiltzanian...

Gero limosna eskatutzerik

Jainkuaren izenian.

                      4

Odola bero eta burua

Arrua dagonian

Edozeñ moduz sartutzen da bat

Alako itsumenian :

Atsekabe ta negar samiñak

Badatoz ondorenian,

Nola ere bait batek biziya

Utzitzen ez dubenian

Limosnatxo bat eskatu bear

Jainkuaren izenian.

                      5

Iñoiz pentsatzen nere artian

Ni jarritzen naizenian,

Gaur ere asko dirala joango

Lirakenak zuzenian.

Ez luke iñor sinistatuko

Zer pena ematen diran.

Ai ! orla nintzan ni ere sano

Ta gazte nengoenian...

Gaur limosna bat eskatutzen det

Jainkuaren izenian.

                      6

Ai ! txorakeri asko egiten

Da zentzurik ez danian ;

Sinista zazu ur au pasia

Daukanaren esanian :

Obiago da sasoin dan arte

Savututzia lanian.

Negar egiñaz ibili gabe

Gero dembora joanian...

Limosnatxo bat bildu eziñik

Jainkuaren izenian.

(1897)