Egile bakharra

Oxobi

Hormatua delarik gure lur guzia,

Elhurrak daukanean ichilik mendia,

Lurpean, elhurpean, alha da bizia:

Jadanik uztarako ernatzen bihia.

Gizona, zer esku duk aurthi hazian?

Hi gabe zauzkuk erdi, sortu, lur mamian;

Hi gabe, goiti zoak jaigura bizian;

Hiretzat ogiteko beroaren deian.

Haitzak eta gaztenak, pagoak, leizarrak

Buluziak dagozik, iduri eiharrak;

Gizona, hik dituka horien abarrak

Girtainez eta hostoz aphaindu beharrak?.

Iguzkia heldu zauku manatzera berriz

Bazterrak bezti diten zetaz eta liliz;

Primaderaren ona ez duk hire nahiz,

Egile bakharrari, gizona, zordun hiz.

Arcangues