L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Korrok aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Korrok-2 (1984) —Hurrengo artikulua




 

 

—Rincon Poetazale—

 

Xabier Lete

 

Sinesten dut

egun batetan hilen naizela

hutsean eroria

ezerezean amildua

hauts bihurtuko naizela.

 

Sinesten dut

hartuko nauen lur hortatik

landare berriak,

sortuko direla,

landaretatik zuhaitzak

zuhaitzetatik loreak

loreetatik fruituak,

fruituetatik

gizonak eta abereak

bazkatuko direla.

 

Sinesten dut

izaki guzien aldakuntza

etengabea dela:

itxuraldatxe zakon batek berbihurtzen gaituela

eta izatetik izatera

atsedenik gabeko mugimenduak

garamatzila.

 

Edertasunaren neurri bakarrean

finkatua

bizi behar dugulako

sinesten dut

gainerako neurri guztiak

gezurrezko direla.

 

Sinesten dut

bai

egun batetan hilen naizela

hutsean eroria

ezerezean amildua

hauts bihurtuko naizela.

 



Literatur Aldizkarien Gordailua Susa argitaletxearen egitasmoa da.