L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Korrok aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Korrok-3 (1984-maiatza) —Hurrengo artikulua




 

 

—rincón poetazale—

 

Deithorea

 

Joxe Austin Arrieta

(1.983)

 

                        "uda-ilunabarrerantz abiatu nintzen

                        amodio urrun baten mirra mingotsa

                        ostertz zabal sukartsuan erretzera"

                                                (A. Machadorenetik)

 

Hiria zeharkatu nuen

          autoen ihes-hodien gaindi,

nire amets triste baten

          kondaira tristea

          isladatzen zuten

          bideko hainbat itzal

                                zurrun

                                        higikorrek:

                    semaforoz bazkatu ziren

                                 nire begi-leizeak,

                    deithorearen zimurrek

                                        zidaten

                                             ilea urdindu

                    ahalkearen horzkadek

                                      urratsa nagitu.

 

Eta han

          hiriaz bestalde

          ijitoek aterbe duten

                    eremu elkorrean

                    irazeki nuen

                                su motelean

                 ehortzi nuen

             gaztaroko irri urria.

          .....................

Eta elur-malutak

          mara-mara

          jausi ziren

          ebatondoen gainera.

 



Literatur Aldizkarien Gordailua Susa argitaletxearen egitasmoa da.