L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 9 (1985-maiatza) —Hurrengo artikulua




 

 

In God we trust

 

Itxaro Borda

 

gauzak gaizki doaz

goiz honetan

                    beherakada

                    hurbila

sumatuz nire azken

dolar orlegiak saldu ditut.

«in god we don't trust».

 

gauzak gaizki doaz:

goiz honetan ere

                    kaseta

                    irakurtzerakoan

jakin dut mikel laboa

gaixorik zela.

«hegoak ez bagenizkio ebaki»

 

gauzak gaizki doaz

goiz honetan berriz

                    karrikara

                    jaustean

konturatu naiz maitasun

historio hori etzela nerea.

«ederki engainatu naiz!»

 

gauzak gaizki doaz

goiz honetan bertan

                    euripean

                    ibiltzean

erabaki dut ongi sentitzen

naizen lurraldeetarik

ez nuela gehiago ebaslea

bezala ihes egingo.

«stay, stay, stay everywhere!»

 

gauzak gaizki doaz

banan bana kolpe guziei ihardesteko

gutizia dut, baina ahulegi eta bakarregi

naiz.

gaizki doaz gauzak.

Zinez.

 



Literatur Aldizkarien Gordailua Susa argitaletxearen egitasmoa da.