L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

<maia1000>— Maiatz 10 (1985-abendua) —Hurrengo artikulua




 

 

Bi hitz hitzatu

 

Auxtin Zamora

 

ZURE BEGIRA,

DENBORA JOAN ZAUT,

 

Nahiz, begiak argiari buruz bihurtuak izan,

iduzkiaren izpiek, ahulduz,

hain gora diren einarak,

erakusten dizkidate bakarrik,

 

neure azola, egaldaka

dohala, edozoin, mugitzen diren,

izaitedun guziekin,

ezin dut geldiaraz,

egun hunen lasterkada,

 

gauaren osina hor daukat,

urkatzeko zure ikustearen mentura,

bai, hitzatzeko «Trixte Paketa» bi hitz hauiek,

neure barna barna baitake,

sartzeko ate gainean,

 

udako egun iragan goxo hunen

errenkura bat bezala,

altxatuko delarik lanbroa,

lurraren barnetik,

ni ere xutituko naiz

ez dakit nora itzultzeko

BAI,

ZURE BEGIRA,

DENBORA JOAN ZAUT

 



Literatur Aldizkarien Gordailua Susa argitaletxearen egitasmoa da.