L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 10 (1985-abendua) —Hurrengo artikulua




 

 

Gotzone Sestorain

 

Bilatzen haut

basamortu mugagabearen biluztasunean

                                                     zehar,

basoaren estaldura hertsian,

aintzira urdinen mintzaira geldoan,

eta behin eta berriz

hire oin aztarnekin topo egiten diat

bainan,

            hirekin ez

                            inoiz.

 

Bilatzen haut

eguzkiaren laztan labainetan,

haizearen ezpain dardartietan

eta suaren errai odolduetan

eta euri langar finaren musuetan

eta behin eta berriz

hire ausentziarekin

                          suertatzen nauk.

 

ETA bilatzen haut

zentzurik gabeko bilatze erratuan,

hire eskuaren adiskidantzaz

nabilkialarik zorabiozko irrikian;

luzatzen diat

                 neurea

                          ametsezko edalontzia bailitz

berriro ere

bakardadearen eza zurrupa dezadan.

 



Literatur Aldizkarien Gordailua Susa argitaletxearen egitasmoa da.