L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 10 (1985-abendua) —Hurrengo artikulua




 

 

Gotzone Sestorain

 

Lanbroa

        mara, mara

                lanbroa eta lainoa

                        maldan behera.

 

Malda erreka

eta Bidasoako maldak

barrena,

R-9an erdilotan noala,

hedatzen da

        zoko laino harroa.

 

Kotoi esnetsua legez

Malda errekako

eta Bidasoako maldetan

                                datzan

haritz, lizar,

                pinu,

eta hainbat landareen

        bake lurrintsua

        laztantzen du

        laztanez xurgatu

goizeko zoko laino lanbroak.

 

Lanbroa

        mara, mara

                lanbroa eta lainoa

                        maldan behera.

 

Malda erreka

eta Bidasoako maldak

zebarkatzen ditudanean,

lainoak darion

lanbro bitsa

nere bakardade etsituan,

        etsipen bakartian,

                bakartasun goibelean

                        sartzen

                xukatzen doa,

nere begiak

malko gazi eta minez

lausatzen doazen

                heinean,

lanbroaren pausaleku

        lanbroz laku

                bailiren.

 



Literatur Aldizkarien Gordailua Susa argitaletxearen egitasmoa da.