Intxiña

Gabriel Aresti

Anton Arregi'ri, musikatu dagian

Gorbeia'n galdurik

                        ibilli gara.

                        Barruan sarturik

                        daukat ikara.

Ai! Ai gure!

Iretargiak emoten deusku

pena garratza ugari.

Mendi onetan ikusten doguz

atxarteak edonondi.

Arbolarikan bakartadean

ez da ezelan agiri.

Ai! Ai gure!

                        Sentimentu barik

                        daukat biotza.

                        Laiñoak bakarrik...

                        Au da mingotsa!

Ai! Ai gure!

Galdu garean arrizko lurrak

izena dauka Intxiña.

Tristura ori etzeunke izango

emen galduko ezpa'ziña.

Orain daukagviz laiñoan eta

illunpean milla griña.

Ai! Ai gure!

                        Besarkada baten

                        lokartu gara...

                        Igon gura dogu

                        zeruetara...

Ai! Ai gure!