L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1959 II (1959-apirila/ekaina) —Hurrengo artikulua




 

 

Zaintzallearen bi eginbide

 

Sidney Keyes

euskeratzailea: Otsalar

 

                               I

                    EGUERDIKOA

Larradi gurenean, belar orien tantean,

kirkerrak bere ego-azal auskorrak zarratzen

dituan lekuan, beti lurraren atzaparrak estutzen

duen itxasoa entzunaz geiditzen naiz.

Udarako eguerdi gozakaitz ontan

bere ago berritsua mutu duenengan eta

illobi estu batean kukurturikoekin pentsatzen dut.

Negar dagiet begiak lurrez beterik ditueneri.

 

 

                               II

                    GAU ERDIKOA

Una guzietan eskeñi ziranak,

maitale asetua bezela, denbora eztitsu izateraño;

oin arindun gizon garbiak, begi zorrotzdun zarrak

—azkatasuna bide dalarik, iraunkor beren izarrak—

laguntzen didate, begiratzen ba'dut uri uts au.

Lilluraturik nauka bizien gordintasun arrigarri onek.

Lilluraturik ildakoen gorpuzki ritmoak.

Lilluratzen naute lili-osto ta auts usaia

duan gaura sartu ziranak.

 



Literatur Aldizkarien Gordailua Susa argitaletxearen egitasmoa da.