L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1960 II (1960-apirila/ekaina) —Hurrengo artikulua




 

 

Amen amaren

 

Iratzeder

 

(Aurraitz'eri)

 

Amen Amaren

   bihotzean

nago Beloke'n

   othoitzean,

Amen Amaren

   bihotzean...

 

Herritik urrun,

   bakar-bakarrik,

galdua zaude,

   Venezuela'n.

Begitik nigar,

   barnetik amets,

ba-dabilazu

   bai min eta lan.

 

Mundu bidetan

   zu, bezalako

eskualdun-gazte

   zenbat dabilan..

Balute denek

   zuk daukazuna

bihotz barneko

   zolaren zolan!

 

Zure nigarren

   aditzean,

zoin urtu naizen

   othoitzean!

 

Herritik urrun

   izanik ere,

baleramate

   denek borroka.

Eskual-borroken

   garhait-tokia

ezta Bizkaia,

   ezta Gernika.

 

Eskual-Herria

   usteltzen duten

gaitzeri gauden

   gutan oldarka.

Gutan dugula

   Jainkoa nausi:

mende, jendeak

   Harek dabilzka.

 

Amen Amaren

   bihotzean.

etsai-indarren

   garhaitzean,

biak bat gauden

   othoitzean

 

20-3-60

 



Literatur Aldizkarien Gordailua Susa argitaletxearen egitasmoa da.