Jauna, zu nire billa...

Garitaonandia'tar Gotzon

(Neure adiskide Martin ta Xabier'i biotzez)

Jauna, Zu zabiltz nire billa,

nire maitasun billa (?).

Ni, ostera, Zugandik urrin,

Zu etor arren, jauna.

Ixil dago ga'ba, oso ixil,

egunari begira;

bardin dago nire arima

Zuri begira, Jauna.

Itxaso bai dala ederra

baretsu dagonean!

Nire bakea Zu zara,

Zu barik naigabean.

Sartu zaite nire txalupan

ta zaindu ipar-orratza;

Sendatu naiten gaitz guztitik,

ase eidazu biotza.

Goizaldez izarra zeruan

bai lilluragarria!

Eguzkia sortzean, baiña,

beingoz yaku itzalia.

Enparau izakiak oro be

Zu, Jaun, niganatzean,

asperkor yataz, ta ba-doaz

bertatik igesean.

Gu biok, ene Jaun, gagozan

gau ta egun luzeetan,

egundo be aspertu barik,

barren-autu gozotan.