L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1961 I (1961- urtarrila/martxoa) —Hurrengo artikulua




 

 

Bake barik

 

Garitaonandia'tar Gotzon

 

(Rementeria'tar Amadeo'ri biotzez)

 

Urte bat doa, beste bat dator,

baltza da nire kontua!

Atsegin gosez daukat biotza,

artega nire gogua.

 

Ludi onetan lar ikusi dut,

orotzaz naz aspertua

izaki oro dastatu arren,

ez dut biotza asetua.

 

Nere biotz au urduri dabil

Jainkoa noiz arkituko.

Azken ordua eldu baiño len,

ez al da billa etorriko?

 

Biotz barruan sartua daukat

Artzai Ona'ren txistua;

bolada ontan entzun ez arren,

ez dot iñola aztua.

 

Sarritxo Bere deia entzun dot

baiña ez dautsat erantzun;

nere bidean oso gitxitan

izan dot A bide-lagun.

 

Zerugoi ortan zauden Jainkoa!

Zuretzat egin gaituzu;

ta zurekin bat egin artean

ezin ezelan baketu.

 

Derion, Urriak 30, 1960.

 



Literatur Aldizkarien Gordailua Susa argitaletxearen egitasmoa da.