L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1961 III (1961-uztaila/iraila) —Hurrengo artikulua




 

 

Zeruko bizia

 

Fr. Luis de Leon

euskaratzailea: Orixe

 

             1

Argi-erri unide

ondasunen belardi,

ez baitzira zimeltzen

ez izotz, ez eguzki!

larre gizen, betiko

atsegiñen etorri!

 

             2

Artzai Onak zuregan

—ez uge ez furrundarri—

purpur-elur-loreaz

buruntza zuri-gorri,

zelai gurietara

artaldea daragi.

 

             3

An doa, doatsu dun

saldoaren gidari,

igatzen ez arrosak

ditiela ianari,

lore beti moxtua

are berrituz sarri.

 

             4

Aruntzago derama

ondasunen mendira,

egarria, basituz,

kentzen dun iturrira

Bera Artzai, Bera larre

bete dadukan maira.

 

 

             5

Ekia gingan dala (1)

sarturik abaroan,

artaldea gerriko

dula bere alboan,

musika ioaz dauka

auznarka, erdi-loan.

 

             6

Txirularen mintzoa

belarriak artzean,

oldartzen da, sartzen da

animaren muiñean;

su ta gar uzten ditu

neurri bageko onean.

 

             7

Arren,        zuk, mintzo goxo,

zentzu auetan barna,

ai zeneza bialdu

zure pits bat nigana,

Aren barrura sartuz,

nadukan Beragana!

 

             8

Ordun iakin nezake

non duzun abaroa,

ta giltzapetik lasa

Zuregana nindoa,

zor-zor ibili gabe

artaldera, gaixoa!

 

(1) Ekin=eguzkia (Xub.)

gingan=zeru-sapai goienean.

 



Literatur Aldizkarien Gordailua Susa argitaletxearen egitasmoa da.