Eztabaida alperrak

Bordari

Euskaltzale bi, Yon eta Karlos,

Setatsu bezin kaska-gogorrak

Aserre-narda bidetan.

Euskera gora, mintzoa bêra,

Nik garbiago, zuk zikiñago,

Gogor ari dira izketan.

—«Irakurri» duk, eta ez, «leitu».

«Zaldi», euskeraz; ez «caballua».

«Leioa». Noiztik ventana?!

—Aizak! «Bakaldun» orrek, zer esan

nai dik? «Txadona»... Eliza dala?

Zergatikan ez, «buztana»!

Ispillua, «antzikurra», ikurriña

«bandera»? Motell, ago ixillikan,

Ori, ez duk ta euskera.

—«Populua» izango dek. «Erria»?

Bai zera! Printzipiyua...! Asiera?

Euskera ez duk erdera!!

                * * *

Bidarte ortan gure mintzoak

Bildurgarrizko gainbera

Artua dauka zoritxarrean.

Itxartuko ez al gera!

Euskeraz mintza. Euskera ikasi

Dezun modu onenera,

Galdu ez dedin Euskal-Errian

Maitia degun izkera.