L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1962 I-II Zortzikote (1962-urtarrila/ekaina) —Hurrengo artikulua




 

 

Lau itz

 

Dorronsoro'tar Lukax

 

Tellatu ertzean

txoriak txiruli.

Azpiko leioan

gazte batek irri.

Gauz berdiñari so:

gari soroari.

Txoriak abestiz,

gazteak izlari:

    —Soroko gal-eze,

eldu adi azkar!

Txoriari, gosez,

papoak: «gar, gar, gar...»

Leiotik begira

gazteak irribar.

Bien zori-ona

gari orrek dakar.

 

Garia eldu da.

Gaztea apaiztu.

ta orain... sororantz...

garia nai bildu.

(Bai txoriak ere,

baña, izuz, igestu...)

Itaitu... irindu...

ta gero... ogitu.

 

Dorreko ezkilek

dindan, dindan, dindan...

Apaiz itairia

eliz-atarian.

Barrurantz dijoa.

Ara opalmaian!

Eskutan ogia.

Lau itz ezpañetan

«AU NERE GORPUTZ DA».

Ta ogia Jainko

nun digun biurtu

gizonok jateko!

 



Literatur Aldizkarien Gordailua Susa argitaletxearen egitasmoa da.