Assaig de cantic en el temple

Salvador Espriu

euskaratzailea: Loidi'tar J.A.

Bai nekatua nagoela nere erri

koldar, zaar eta basati ontaz,

eta bai pozik aldenduko nintzakeala,

diotenez

jendea ain garbi ta zintzoa, jakintsu,

aberats, azke, erne ta zoriontsu

dan ipar-alde orruntz.

Anaiak, beren batzarrean onela gaiztetsiko

luteke orduan: «Txoriak usten duten bezela kabia

gizonek ere bere erria».

Eta bitartean nik, osoro urruti orduko,

nere erri igor onen lege

ta jakintza zaartzaz par egingo nuke.

Baiña ez det iñoiz ere egiztuko nere amets au

ta emen geldituko naiz il arte.

Ni ere oso koldar eta

basati naiz-eta;

nere lander, zikin, itun,

zori-gaiztoko aberria

oiñaze etsi-etsiz maite det eta.