Nik ezin etsi...

Satarka

        Aitonak:

Nork ebatsi du kabi gozotik

Usotxo zuri berdin-gabea?

Nork lapurtu du eme txokotik

Neskatil polit, kutun, maitea?

        Mutil gazteak:

Ezer ez dakit... Bakarrit dakit

Usotxo gabe eri dagola

        Nere biotza ...

Neguan egon oi dan bezela

Eguzki argi gabe, zelaian,

        Elur, izotza...

        Aitonak:

Gabirai zital, billau, gaiztoa

Ik lapurtu duk nere usotxoa?

Nora eraman duk neregandik

Maiteño eder biotzekoa?

        Gabiraiak:

Ezer ez dakit... Bakarrik dakit

Usotxo gabe bizi naizela

        Naigabez, itun...

Ortze zabala egoten dan lez

Urrezko izar ain eder, pozgarri

        Gabe, txit illun..

        Aitonak:

Eiztari petral, notin txoroa

Ik erail alduk nere usotxoa?

Nere biotzak geien maite dun

Egazti lirain zorunekoa?

        Eiztariak:

Ezer ez dakit... Bakarrik dakit

Usotxo zuri eder gabe ezin

        Dutela etsi...

Umetxo polit, alai, samurra,

Amatxo kutun gabe ezin dan lez

        Alaitsu bizi...

        Aitonak:

Nork ebatsi du kabi gozotik

Usotxo zuri berdin-gobea?

Nork lapurtu du etxe txokotik

Neskatil polit izar maitea?

        Mutil gazteak:

Gizon gezurti batek ebatsi...

Eta uxo gabe ni, miñez jarri...

        Nere maitea!

Maite nuen bai biotz barrutik...

Eta urrun joan nere ondotik ...

        Au naigabea!!!