L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1969 III-IV Gazta¤adi (1969-uztaila/abendua) —Hurrengo artikulua




 

 

Jaunak

 

B. Gandiaga

 

Jaunak bere lurraren

arra bakoitzari

doai-arra bereizi

bat zion ezarri.

Egin zuan garia

lur bakoitzak ari

zegokion kutsua

zezaion ezarri.

Euskalerriko lurrak

au ba ote daki?

 

Nola ditugu artu

fedea, kultura?

ezarri al diegu

gure kutsu-zera?

Lurra eskatzen dute

ta lurraren era,

sorterri bakoitzeko

bereiztasun-kera.

Emaille zintzo ala

lapur ote gera?

 

Aziari errurik

ezin diot eman

nola lurraren pera

etortzen dan apal.

Lurrarekin ari naiz

zintzoa al ote dan

aziari damaion

laguntza orretan

kanpokoz baliatzen

ote dan zalantzan.

 

Lur onean bezela

uzten det galdera

belarririk duana

iratzar-aztera:

Euskalerriko alor

eta lur bai gera

katedrara, kalera

mundura, aldarera

daramagun garia

jatorra ote da?

 



Literatur Aldizkarien Gordailua Susa argitaletxearen egitasmoa da.