Velazquez'en Vallecas'ko mutikoarentzat oñarria

Leon Felipe

euskaratzailea: Muniategi'tar Sabin

Emendik iñor ez doa ez.

Vallecas'ko mutikoaren

buru autsia emen dan arte,

emendik iñor ez doa. Iñor.

Ez mistiku ez buru-eraillea.

Lenago desegin bear da oker au,

lenago erabaki bear da naspil au.

Ta danon artean erabaki bear degu,

ta batere koldarkeririk gabe,

iges egin gabe

perkalinazko ego batzukin

edo zulo bat irikiz

oinazpian.

Emendik iñor ez doa. Iñor.

Ez mistiku ez buru-eraillea.

Ta alperrik da,

alperrik iges egite guztia.

(ez betik

ez goitik)

Beti itzultzen da. Beti.

Egunen batean (zorioneko egun batean!)

Mambrino'ren burukoa,

—baztez-argia orain, eze buruko ez bizar-ontzi—

Santxo'ren bururako

ta zurerako ta nererako

neurrira egiña bezela

ondo baño obeto datorkigunean.

Orduan danok banbalinetatik

ioango gera.

Zu ta ni, Santxo, ta Vallecas'ko mutikoa,

ta mistikua, ta buru-ereillea.