Illuntze

Muniategi-tar Sabin

Sartaldeko osertzez, laiño gorri artean,

arratsaldeak dagersku bere urreteria

eguzkia itxasperatzen dan bitartean.

        Ortzi zear egazti bat dabil goi aldean

ta, musuzapi dirudin egoz, agur dagi,

lotarako asmoz baso-aldera doanean.

        Geitzen ari da ixilla illuntzeratze leunez

ta, ortzian, izar bat edo beste, bakanki,

agiri dira illargiaren goi-aldamenez...

        Ontziak ere atseden artuz, kai barruan,

ur geldiz, amesten ari dira kulunkari,

ugintxo ta arrain lotaratuen mezuan.

Bizitza da ioan-etorrizko ibilian,

ugiñik ugiñera bezala, goiberati,

aldi-aro bakoitzaren igitze-zorian.

        Itzala tarteka bizitzako ur gaiñetan;

berein margo ta ameskizunezko osertzak

gizon ororen biotz-barruko egaletan!