L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1984 (1987) —Hurrengo artikulua







 

 

Urkiolan omenaldi

 

Juan Mari Lekuona

 

Asteko, bizkaitarrok,

Liño Akesolo:

lur onen semeetan

bera amazulo.

Ala emanik ere

iñoiz ez dago lo;

euskaran landu digu

makiña bat arlo.

Dimako semeari

jo daiogun txalo!

 

Pujanak euskeratu

Bizkaiko Forua:

ederki dantzatu du

berbaren gorua.

Bizkai aditza josten

egin du modua.

Jainkoaren etxea

bere amorrua.

Gizon au goratzeko

ba zan, bai, ordua!

 

Elorriotik dator

Jaime Kerexeta.

Nork du sendoagoa

idazteko seta?

Gure bibli gosea

utzi du aseta.

Bizkaiera otsegin

gogor lau aizeta.

Euskaran bere pare

gaur askorik ezta!

 

Laugarren dakartzuet

Xanti Onaindia:

esatez laburra da,

egitez andia.

Liburuz ornitu du

kale eta mendia,

jantzi ta sustatuaz

euskaldun sendia.

Arro egon liteke

Bizkaiko jendia.

 

Misal baten inguru

lau gizoni ondrak.

Bizkaitarren emaitzaz

emen daude probak.

Donostiak ordaindu

nai lituzke zorrak,

aitortuaz gizonok

egindako obrak.

Andik berri au dakar

Lekuona lobak.

 

Urkiola, 1984, VI, 14

 



Literatur Aldizkarien Gordailua Susa argitaletxearen egitasmoa da.