L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1984 (1987) —Hurrengo artikulua







 

 

Kanpaiak

 

Pedro de Anasagasti

 

Kanpaiak

barruan ziran,

barruan.

Ez ziran

elaiak,

emen eta an

egaz egin da

joaten ziranak.

Kanpaiak,

ara ta onera

joan eta etorri,

sartzen zitzadan

barrenan.

 

Nereak ziran

kanpaiak,

nereak

burdiñezko otsak.

Nereak ziran

kanpaiak,

negar ta parre

egin zituzten

txoriak.

 

Ez dakit nundik

sartzen zan

nere barrura negarra,

Illen kanpaiak

arek bai ziran

zorrotzak!

Txikitan nintzan

bildurti,

lotsorra.

 

Neretzat ziran

arantzak

kanpaiak:

euren itzelak

gogortu ditu

mendiak

animan.

 

Baziran baita

kanpaiak

alaiak,

zeruan.

Nere barrenan

badira noski

lorez beteko

zelaiak.

Kanpaien parre

neretzat bazen

txikitan

atsegin.

kanpaiak kanpai

sartutzen ziran

nere itxas

ondoan.

 

Batzuk negarrez,

pozez besteak,

eurak bai ziran,

txikitan,

nere umetako

usoak.

 

Kanpaiak!

 



Literatur Aldizkarien Gordailua Susa argitaletxearen egitasmoa da.