Mundaka'n

A. Zubikarai

Sukarrieta'ko aizeak

ei dabiz Mundaka'n,

baiña Sabin'en kanturik

ez dabe ikasi an.

                 Eta biotza eten egiten da

                 aizeak larria dabillanean.

Aizea larri dabil bai

Mundaka'ko ibarrean,

euskera galdu dabe-ta

nastean dabiltz an.

Euskaldun erri dalarik

kutxan sar eben elea,

biotzean gorde ba lebe

artuko eban arnasea.

Euskal rumboa gal dabe

ango kapitan pilotuk,

errezago ibilten ei da

Kantauri uretik arutz.

Goraka erabil dabe

paperetan Etxeita,

erderaz lore ugari

ta doñutan «konparsita».

Lotsakor nitzan Mundaka'n

Etxeitaren omenetan.

Euskera goratu nai ta

erderaka jardunetan.

                 Eta biotza eten egiten da

                 aizeak larria dabillanean.