bernardo atxaga

geure etxea utzirik nora joan Kanada Argelia Turkia

zenbat aldiz panazko galtza beltz batzuekin zenbat aldiz zigarro ba

ten ke urdinarekin jostatuaz

pentsatzen nora ihes egin zenbat gezur pilatu behar ote Kanadako

basoen usaina izateko

zenbat adiskideren adios serio ikusi behar ote dira Pariseko

snack barretan goizeko hiruretan

hemen bezala jinebra botila batekin iraultzaz min

tza ahal izateko

zenbat aldiz urano bezala jiratzen jiratzen eta

jiratzen gure mendien ingurutik

zenbat urte barru borrokatu behar ote da

anaia gazteak gartzelan eguzkitan oilarite berriaren zain

dauden bitartean

bilbaoko aideportuan Istanbuleko abioia irrifarrez hartzeko

zenbat aldiz gure borroka konkretoaren

begietatik

etorkizuna ikusi nahiaz

paranoiaren itsasoko uhinak gure bila datozen egun hoietan