L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Susa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Susa-2 (1980-apirila) —Hurrengo artikulua




 

 

Teresita Irastorza

 

Gogoratu nahi nuke

elkarren eskuz pilatu genuen

itsasoa,

elkarren indarrez amildu genuen

gaua.

 

Gogoratu nahi nukeena

inoiz gertatu ez delako,

sakelean sartuko dut

zitarraren arrotasuna,

eskuen epeltasuna,

eta gaueko isiltasunaren oihartzuna

sakelean sar eta

aurrera jo,

itzultzea ezinezkoa den bidetik,

begiak ireki eta

aurrera jo,

lainoturik dagoen bidetik.

 

 

 

Ihes dihoakion errainuari

sagika doan gizon bakartiaren bakardadeak

bakarrik uzten duen kale berdea

gauean.

 

Ihes dihoakigun erreinuari segika

doan gizon bakartiaren kanduak

zauriturik uzten duen kaleko espaloiaren

koska

gauean.

 

Kaletik ihes egin nahi duen

gizona

ihes dihoakion errainuzko erreinuari

zer dela ez jakin arren

hankaz zapalduz

noraino joango den jakin gabe,

doa, baina

 

badoa

inoiz itzaliko ez den alamartxoa igerri duela eta...

 

 



Literatur Aldizkarien Gordailua Susa argitaletxearen egitasmoa da.