L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Susa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Susa-25 (1990-martxoa) —Hurrengo artikulua




 

 

Kostako bederatziurrena —epidramak—

 

Jose Luis Otamendi

 

I         gizontxo hantusteen

        intxaurrak

        urrutitik

        HAMALAU

 

        hurrerartu

        eta bi

 

II         gauez

        jendea

        hondartzan

        ilargia hartzen

        ta urre usaineko ukenduak

        elkarri emon eta emon

        aftermoon

 

III        hareazko untziak

        uretaratu dituzte

        neska-mutikoek

        olatuekin lehian

        inoiz porturako presarik ez

 

        handi direnean

        hondar berotan dautza ordu luzeetan

        behialako ausartziak kitatzeko adina

        naufragatu gosez

 

IV         itsaso honek

        marinelak iratoz ikusi zuen

        izar euskaratzen

 

V         Welles jauna

        guk ere

        aspaldi asmatu genuen

        denboraren makina

                                      txakolina

 

VI         ume nekatu baten antzera

        mintzo da

        gerri bustiaren kresala

 

VII        eta enaren lepoan dabil gaua

        txindurri berankorrak ahazten

 

VIII        malekoi ertzean

        itsas brisari diot entzun

        «azkenean bakarrik

        zu

        ni

        ta euli batzuk»

 

IX         enbata sartzen duenean

        ume goseak ekaitza amets

 



Literatur Aldizkarien Gordailua Susa argitaletxearen egitasmoa da.