|
Woody Guthrie
Woody Guthrie
euskaratzailea:
Andoni Tolosa
Woodrow Wilson Guthrie Oklahoman jaio zen halako batetan, ez bait du inongo biografirik zehazten bere jaiotze data, ondo zehazten dutena berriz Estatu Batuetako estatu guztiak eta baita mundu zabala igaro zituela da, jasotako doinu eta esperientziekin mende honetako herri musikak eman duen kantutegirik zabalenetako bat osatuz. Bere kanta bakoitza kronika sozial bat da, bere garaiaren ispilu fidel bezain errealista. Kantuz kantu kontatu zizkigun Woody Guthriek laborari pobrearenak, langilearen borrokak, hoboen joanetorriak, arazo guztiak edo latzenak aurki ditzakegu gizon honen kantu gehienetan, guztietan ez esate arren. Besteak beste 1000 kanta inguru idatzi zituen 1930 eta1950 urteen artean, eta kantu guztietan aurkituko dugu hizkuntza xehea, jende xehearentzat eta jende xehez hitzegiten dutenak.
Hard traveling
Hara eta hona ibili naiz eta ez da erraza izan,
bazenekiela uste nuen.
Hara eta hona ibili naiz eta ez da erraza izan,
bide horietan zehar.
Bidaiatzen, noraezean, jolasten ibili naiz eta
ez da batere erraza izan.
Hara eta hona ibili naiz, eta ez da erraza izan Jauna.
Garraio tren azkarretan bidaiatu dut
bazenekiela uste nuen
furgoi karrakatetsuetan bidaiatu dut
bide horietan zehar,
tren engantxeetan bidaiatu dut,
bagoien topeetan, gedarra irensten.
Jauna, hara eta hona ibili naiz eta ez da erraza izan.
Mehatzetan lan egin dut,
banekiela uste nuen
Iparraldeko Dakotatik Kansas Cityraino,
bide horietan zehar,
gariaren segan, lastoa metatzen
egunean dolar bat lortzearren.
Jauna, hara eta hona ibili naiz eta ez da erraza izan.
Pittsburgeko altzairutan ibili naiz lanean
bazenekiela uste nuen
sarra gorri goria deskargatzen
bide horietan zehar
labe garaietan izan naiz eta errekuntza labeetan
mineral gorri irekina isuri dut.
Jauna, hor zehar ibili naiz bidaiatzen
eta ez da erraza izan.
Kartzela gogorrean egona naiz
bazenekiela uste nuen
laurogeitahamar egunez egon naiz giltzapean
bide horietan zehar,
epaile jaunak laurogeitahamar egunez zigortu ninduen
alferkeriagatik, esan zuenez.
Hara eta hona ibili naiz, Jauna, eta ez da erraza izan.
Vigilante man
Esan, nor da Zaindari deritzoten hori?
Nor da Zaindari hori?
Eskopeta eta pistola al daramatza eskuetan?
Bere berri jaso dut inguru zabal honetan
Ikusi al duzue zuek Zaindaria?
Bere berri jaso dut inguru zabal honetan.
Euri gaua, lokomotoren babeslekuan
Lo geunden, geldi, xaguak legez
Gizon bat sartu eta kanporatu egin gintuen, euripera
Hura al zen Zaindaria?
Ekaitz egunak, aterperen baten lo
Ematen genuen denbora
Gizon bat sartu eta ziztu bizian bota genuen
Zaindari bat zen agian?
«Langileok batu zaitezte» esan zuen langilea
Genuen Casey predikalaria
Ibai ertzean akatu zuten, ezezagun batek
Zaindari bat izan al zen?
Ene, zergatik ote darama Zaindariak?
Ene, zergatik ote darama Zaindariak
Kainoi motzeko eskopeta eskutan?
Bere anaia eta arreba akatu nahi ote ditu?
Hiriz hiri ibili naiz noraezean
Eta abelgorriak bezala eraman gintuzten batetik bestera.
Hori al zen Zaindaria?
Ikusi al duzu Zaindari deritzotena?
Bere berri jaso dut inguru zabal honetan.
Dust pulmonia blues
Hautsaren pulmoniak jota nago, pulmonia nere birikan,
azkenetan nago, nereak egin du.
Nere neska ere hautsaren pulmoniak jota dago,
azkenetan dago, horrenak egin du.
Texasen nere neskak, konortea galdu zuen euriartean
ontzi bete zabor bota nion sena buelta ziezaion
| 
