Poema hautatuak

Amaia Iturbide

Maiatzaren egun ferdeetan

euri-malkoen amoreakaitik

erne dira bentzutuentzako liliak

mendeetan zehar itzalak ehotu duen eremuan

han non eki-errainu hondarrez elikaturiko

       kaden-kalatxoriek bilerak egiten dituzten

han non urrats bakanetan soilik bidea

       multiplikatzen den

han non zenbat izar hainbat mezu

       gordetzen zaizkien

Etxeak jadanik ate lodiz zatikaturik daude

eta barnean bizi diren

gizaki-abotsak pasillo luzeegi batzuetatik

heltzen

zaizkugu

katu-denporaz esnatzen-lokartzen

bakardadearen aharrausia

gauzen azalekiko kontaktoa

ametsak eta amets generiztenak

hodei-abiadaz lokartzen

banan banan

Jadanik jelatua

ihintzezko anpuloetan

desioa

udazken-goizetako

aho erdi irekian

Suge-laberyntoaren bi ertzetako zuhaitz-adarrek

—denporak maskurturiko behatzak bailiran—

erromes iñoranteei fruitu anitz, argiagaitik bakarrik sakratuak,

amoltsuki eskeintzen dizkiete, illunarekin batera

existentzia galduko dutenak

bada gure esku-ahurrak otartxo hutsak dira

mingotsak ahoak

norakorik gabe garamatzan suge-laberyntoaren honetan

                                Mariñelen alabei

                                gaziagoak darizkie

                                negar anpuloak

Ezpataz zeharkaturiko

sabel ubela da itxasoa

zeru azalaren ispillu

oihal delikatua

oihal delikatupean

abots anonimoen mezuak

aparrezko leopardo-orruak

mendez mendeko malko bakoitzaren

espazio mugagabean

kotoiezko hatzapardun hiltzaile da itxasoa

etengabeko zelatan dagoen

arima zuria